ഒറ്റയ്ക്കാകുന്ന രണ്ടുപേര്
Sunday, December 29, 2019
Wednesday, December 4, 2019
Sunday, December 1, 2019
മറുക്
നീ എപ്പോഴെങ്കിലും കണ്ടിട്ടുണ്ടോ നിന്റെ പിൻകഴുത്തിൽ മുടിയിഴകളാൽ പാതിയും മറഞ്ഞിരിക്കുന്ന ആ മറുക്.
മറുകുകളോടുള്ള ഇഷ്ടം എന്നിൽ എപ്പോഴാണ് തുടങ്ങിയതെന്നറിയില്ല. നിന്നെ കണ്ടതിന് ശേഷമായിരിക്കും. നിന്റെ ചുണ്ടുകൾക്ക് മുകളിൽ മേഘങ്ങൾക്കിടയിൽ ഒളിച്ച നിലാവ് പോലെയുള്ള മങ്ങിയ ഒറ്റ മറുകാണ് ഞാൻ ആദ്യം ശ്രദ്ധിച്ചത്. പിന്നെ ഇടത്തെ കവിളിൽ കാക്കപുള്ളികൾ പോലെ ചെറിയ മറുകുകൾ. തമ്മിൽ കാണുമ്പോഴൊക്കെ നിന്റെ കൺപുരികങ്ങൾക്ക് മുകളിലുള്ള മറുക് ഞാൻ എത്രയോ നേരം നോക്കിന്നിട്ടുണ്ട്. ചിരിക്കുമ്പോൾ അത് ആ കണ്ണുകളോടൊപ്പം വിടർന്നു വരികയും നൊമ്പരപെടുമ്പോൾ അത് ചെറുതാകുകയും ചെയ്തു. നിന്റെ കഴുത്തിൽ നിന്നും താഴേക്ക് പടർന്നിറങ്ങിയ, നക്ഷത്രരാശിയിലെ നക്ഷത്രങ്ങളെപോലെ, തെളിച്ചമുള്ളതും ഇല്ലാത്തതുമായ കുറെ മറുകുകൾ. നിന്റെ മൃദുലമായ വയറിന്റെ ഇടത്തെ ചരിവിൽ ചിത്രശലഭത്തിന്റെ കണ്ണുകൾ പോലെയുള്ള മറുകുകൾ. ആ മറുകുകളിൽ ചുംബിക്കണമെന്ന് എനിക്ക് എത്രയോ വട്ടം തോന്നിയിരിക്കുന്നു.. ഏകാന്തമായൊരു ദ്വീപ് കണക്കെ നിന്റെ കൈത്തണ്ടയിലെ തീപൊള്ളൽക്കലയോട് ചേർന്ന് തെളിഞ്ഞ ആ മറുകിന്റെ തീരങ്ങളിൽ നിന്നും എനിക്ക് ഇനിയും പോരാനായിട്ടില്ല. നിന്നെ കൂടുതലറിയുംതോറും നിന്നിലെ മറുകുകളാണ് എനിക്ക് തെളിഞ്ഞു വന്നത്. നിന്റെ കണങ്കാലുകൾക്ക് താഴെ തെളിയാതെപോയ ആ മറുകിൽ ചുംബിച്ച് നിന്റെ കാലുകളെയും ചേർത്തുപിടിച്ച് എനിക്ക് ഉറങ്ങണമെന്നുണ്ട്.
ഇതിപ്പോൾ ഒരു ചുംബനം കൊണ്ടൊന്നും തീരുമെന്ന് തോന്നുന്നില്ലല്ലോ..
Tuesday, November 19, 2019
Thursday, October 10, 2019
Sunday, September 29, 2019
പെൺകുട്ടികളുടെ മുറി
Saturday, September 21, 2019
Wednesday, September 4, 2019
Saturday, August 10, 2019
Thursday, August 1, 2019
ആവർത്തനങ്ങൾ
Monday, June 10, 2019
Tuesday, May 21, 2019
Thursday, April 11, 2019
ഒറ്റയ്ക്കായിരുന്നപ്പോൾ ഞാൻ എത്രയോ യാത്രചെയ്തു.
ഏതൊക്കെയോ വഴികളിലൂടെ
ഏതൊക്കെയോ കാലങ്ങളിലൂടെ
നിന്നെ പരിചയപെടുന്നതുവരെ അങ്ങനെയായിരുന്നു.
പിന്നീട് എന്റെ വഴികൾ നിന്നിലേക്കായപ്പോൾ
Thursday, February 7, 2019
Sunday, January 20, 2019
അവളുടെ കൊച്ചു കുറുമ്പുകളും വാശിയും അവന് നിശബ്ദമായ സന്തോഷത്തോടെ ആസ്വദിച്ചിരുന്നു. രാവിലെ ഉണർന്നു സ്കൂളിൽ പോകാൻ മടിയുള്ള കാർട്ടൂൺ കാണുമ്പോൾ അതുവരെ ഉണ്ടായിരുന്ന വേദനകളും വിഷമങ്ങളും അതെ നിമിഷത്തിൽ തന്നെ മറന്നുപോകുന്ന ആ കുഞ്ഞ് അവന്റെ സ്പന്ദനമായിരുന്നു. ചിലപ്പോഴുള്ള അവളുടെ വാശികരച്ചിലുകളെ മനപ്പൂർവം ശ്രദ്ധിക്കാതെ പോകാൻ അവൻ ഇപ്പോൾ ശീലിച്ചു വരുന്നു. അവളുടെ വാശിക്കൊപ്പം നിന്ന് കാര്യങ്ങൾ സാധിച്ചു കൊടുത്താൽ പിന്നെ അവൾ വലുതാകുമ്പോഴേക്കും വാശി കൂടിയാലോ എന്നൊരു ആശങ്കയുള്ളതുകൊണ്ടാണ്. എന്നാലും അവളുടെ കുഞ്ഞികൈകളിൽ മുറുകെ പിടിച്ചു നടക്കാൻ, അവളെ തോളിൽ കിടത്തിയുറക്കാൻ ഇപ്പോഴുള്ള സമയമൊന്നും പോരാതെ വരുന്നു. അവൾ എന്നും ഇങ്ങനെയായിരുന്നെങ്കില് .. എന്നും എപ്പോഴും..
Tuesday, January 8, 2019
മഴ നനഞ്ഞാണ് വീട്ടിൽ എത്തിയത്. ഭക്ഷണം കഴിഞ്ഞു ഉറങ്ങാൻ കിടന്നെങ്കിലും സാധിക്കുന്നില്ല. മനസ്സിൽ ആ കുഞ്ഞിന്റെ മുഖമായിരുന്നു. ഈ മഴയത്ത് അവർ എന്തുചെയ്യുകയായിരിക്കും. അവർക്ക് തണുക്കുന്നുണ്ടാവില്ലേ. എങ്ങിനെയാണ് അത് കടന്നുപോകുക. ഓർക്കുതോറും എനിക്ക് കിടക്കാൻ സാധിക്കുന്നില്ല. ആ കുഞ്ഞുങ്ങൾ അരക്ഷിതരായി അവിടെ മഴ നനയ്ക്കുമ്പോൾ ഞാൻ എങ്ങിനെയാണ് വീടിനുള്ളിൽ സമാധാനമായി ഇരിക്കുന്നത്.