പ്രണയത്തിലാകും വരെ ഞാൻ നിന്നെ അറിഞ്ഞുകൊണ്ടിരുന്നു. 

ഇപ്പോൾ, ഞാൻ എന്നെ അറിയുന്നു.

നിന്റെ കൺപുരികങ്ങളുടെ അവസാനത്തെ ചരിവിലാണ് എന്റെ വിരലുകൾ ഇപ്പോഴും. പൂർത്തിയാകാതെ പോയ ഒരു ചിത്രം പോലെയോ മഞ്ഞിൽ മാഞ്ഞു തുടങ്ങിയ ശിശിരമരശിഖരങ്ങൾ പോലെയോയുള്ള തെളിച്ചം കുറഞ്ഞ ആ കറുപ്പ് വരകളിൽ..

നമുക്ക് പ്രണയിക്കാൻ മാത്രമേ പറ്റൂ. 

പരസ്പരം ആശ്വസിപ്പിക്കാൻ കഴിയില്ല.

നിറങ്ങൾ പോലെ മനുഷ്യരും വ്യത്യസ്തമായിരിക്കുന്നു. 

ഏതൊക്കെ നിറങ്ങൾ ചേരുമ്പോഴാണ് പുതിയ നിറങ്ങൾ ഉണ്ടാകുന്നത്. അതുപോലെ മനുഷ്യരുടെ basic സ്വഭാവങ്ങളും പുറത്തേക്ക് വരുന്ന സ്വഭാവങ്ങളും മാറും. പ്രൈമറി കളറും സെക്കന്ററി കളറും ടെർട്ടിയറി കളറും കഴിഞ്ഞാണ് ശരിക്കും മനുഷ്യരുടെ സ്വഭാവത്തിന്റെ തനിമ തുടങ്ങുന്നത്. പിന്നെ ഇതെല്ലാം കഴിഞ്ഞ് 4th factor അവരുടെ സാഹചര്യങ്ങളിൽ കറുപ്പും വെളുപ്പും പോലെ അത് കൂടുതൽ expose ആകുകയോ silent ആകുകയോ ചെയ്യുന്നു. കൂടുതൽ ആളുകളും മറ്റുള്ളവരെ മനസിലാകുന്നത് മൂന്നാമത്തെ കോമ്പിനേഷൻ വരെയാണ്. അതിൽ നിന്നും ആളുകളെ പൂർണമായും അവർക്ക് മനസിലായെന്ന് അവർ പറയും. എന്നാൽ പ്രധാനപെട്ട മനസിലാക്കലുകളിലേക്ക് അവർ കടന്നിട്ടേയുണ്ടാവില്ല. 

 നിറങ്ങൾ ചേരുന്നതുപോലെ മനുഷ്യരുടെ അടിസ്ഥാന സ്വഭാവങ്ങൾ ചേർന്ന് വ്യക്തിത്വവും പ്രകടനതയും വ്യത്യാസപ്പെട്ടിരിക്കുന്നു