Tuesday, January 19, 2010

പ്രണയം നിശബ്ദമാണ്

എന്റെ പ്രണയം പ്രതിധ്വനിക്കാന്‍ മാത്രം കടുപ്പം അവളുടെ ഹൃദയഭിത്തികള്‍ക്കില്ലാത്തതുകൊണ്ട്,

രാത്രിയുടെ ഗര്‍ഭത്തില്‍ പുല്‍നാമ്പുകളില്‍ പിറവിക്കൊള്ളുന്ന
മഞ്ഞുത്തുള്ളിയുടെ മൃദുലമായ മൗനം പോലെ ..
ശൈത്യത്തില്‍ ഇലകളടര്‍ന്ന ശാഖിയുടെ ഗുപ്തമായ മൗനം പോലെ
ഞാന്‍ എന്നില്‍ തന്നെ നിശബ്ദനാകുന്നു.

പ്രണയം മൗനമാണ്..
ഒരു വലിയ മൗനം എന്റെ ഹൃദയതുടിപ്പുകള്‍ക്ക് പിന്നില്‍ ഒളിച്ചിരിക്കുന്നു