'സ്ത്രീയായിരിക്കുക' എന്നത് തന്നെ സന്തോഷിക്കാനും അഹങ്കരിക്കുവാനുമുള്ള കാരണമായിരിക്കെ നീയെന്തിനാണ് ചിറകുവിടര്‍ത്താന്‍ വൈകുന്നത്!

വർഷം മുഴുവൻ നിറഞ്ഞുനിൽക്കുന്ന, 

എപ്പോൾ  പെയ്യുമെന്നോ 

പെയ്തു നിറയുമെന്നോ, 

എപ്പോൾ  മഞ്ഞാകുമെന്നോ 

മഞ്ഞിൽ  മൂടിനിൽക്കുമെന്നോ, 

എപ്പോൾ  വേനലാകുമെന്നോ 

വേനലിൽ  തനിച്ചിരിക്കുമെന്നോ 

പറയാനാവാത്ത 

എപ്പോഴും മാറിക്കൊണ്ടിരിക്കുന്ന, 

പ്രവചനാതീതമായ 

ഋതുവാണ്  നീ..

ഉമ്മ വച്ച് തീർക്കാൻ കഴിയാത്ത പരിഭവങ്ങളൊന്നും ഭൂമിയിലില്ലെന്ന് തോന്നുന്നു.

'സമ്മർ ഇൻ ബേത്ലേഹിമിൽ'   പൂച്ചയെ അയച്ചത് ആരാണെന്ന് എനിക്ക് മനസിലായി.

അടച്ചുവച്ച  പ്രണയം  ക്ലാവ്  പിടിച്ചു  പൂത്തുപോകുമെന്നല്ലാതെ 

മുന്തിരിച്ചാറുപോലെ  വീര്യം  കൂടുകയില്ല. !! 

അതുകൊണ്ട്  പ്രകടിപ്പിക്കാനുള്ളത്  പ്രകടിപ്പിച്ചുതന്നെയാകണം.