ഉറക്കത്തിൽ ഞാനൊരു സ്വപ്നം കണ്ടു,
ഒരു വെളുത്ത മരുഭൂമി, അതിൽ മഞ്ഞിന്റെ പലരുകൾ നിറഞ്ഞ, ദീർഘാവൃത്താകൃതിയിലുള്ള തടാകം, അതിന്റെ നടുക്ക് ഒരു വലിയ മരം. അതിൽ നിറയെ വെളുത്ത പക്ഷികൾ. തടാകത്തിന്റെ നീളം കുറഞ്ഞ ഭാഗത്തുള്ള ഒരു വലിയ പാറയുടെ മുകളിൽ ഒരാൾ എന്നെതന്നെ നോക്കിനിൽക്കുന്നു. ഞാൻ പതിയെ അയാളുടെ നേർക്ക് നടന്നു. അയാളുടെ അടുത്തെത്താറായതും അയാൾ എന്റെ നേരെ കൈ വീശി. ഉടനെ എന്റെ പിന്നിൽ നിന്നും എണ്ണമറ്റ വെളുത്ത പറവകൾ ആ തടാകത്തിലെ മരത്തിലേക്ക് പോയി ചേർന്നു.
ഞാൻ അയാളോട് ചോദിച്ചു ഈ പറവകൾ ഇപ്പോൾ എവിടെ നിന്ന് വന്നു.
അത് നിന്നിൽ നിന്ന് തന്നെ, അയാൾ പറഞ്ഞു.
നിന്റെ ഓർമകളാണ് അത്.
മരിച്ചുകഴിഞ്ഞവർക്ക്
ഇനി ഓർമകളുടെ ആവശ്യമില്ല !!
No comments:
Post a Comment